Млекара Јока вработува
11/03/2024
Еве нѐ повторно со уште еден нов производ! Сте го виделе ли на полиците?
Пред неколку недели излеговме со нов производ – Јока трајно кравјо млеко.
Постојат многу причини за оваа одлука, а и многу бенефити кои може да ги добиете од трајното млеко.
Но пред сѐ, што има ново?
Што има ново?
Ново трајно млеко на Јока!
За прв пат, нашата млекара започна да продава трајно млеко. Трајното млеко секогаш било неизбежен дел од убав, здрав оброк. Освен тоа што е полно со витамини и минерали, трајното млеко помага да го почнете денот на здрав начин и полни со енергија.
Ова стерилизирано и хомогенизирано кравјо млеко се разликува од сѐ што имаме во нашиот асортиман. Имено, ова е првиот производ пакуван во тетрапак амбалажа со долг рок до 6 месеци. Млеко направено со љубов и со веќе докажаниот квалитет на Јока.
Процесот на преработка се разликува од оној на свежото млеко, при што трајното 2 секунди се грее на 140°C. Ваквата преработка со UHT (ultra high temperature – многу висока температура) овозможува млекото да остане свежо и да ја задржи хранливата вредност подолго време. Ова се прави за да се распаднат ензимите во млекото кои се отпорни на високи температури. Штом ги нема нив, млекото има подолг рок на траење.
Какво е новото трајно млеко на Јока?
Новото трајно млеко е производ богат со калциум, протеини и корисни јаглехидрати кои се одлични за вашето здравје и за одржување на здрави коски и заби.
Овој производ доаѓа со млечна маст од 2.8%, од кои што заситени масни киселини има само 1.6 гр. Ова кравјо млеко е збогатено со 8 витамини:
A, B2, B6, B12, C, D, E, K.
Пакувано во амбалажа од 1 литар за индивидуална употреба или во пакет за палета од 12 млека, новото трајно млеко е богат извор на протеини неопходни за растот и развојот на најмалите. Но, се разбира, корисно е и за целокупното здравје на возрасните.
Било да го пиете наутро или навечер за мирен и спокоен сон, трајното млеко на Јока ќе ви стане омилен дел од денот.
