Погача ѕвезда со Јока павлака
09/12/2019
Кифлички со Јока сирење
31/12/2019
Состојки:
- 50 листови од лоза
- 400г мелено месо
- 1 шолја ориз
- 1 кромид
- 1 морков
- 1 лажичка доматно пире
- ¼ лажичка цимет
- ¼ лажичка каранфилче
- ¼ лажичка морско оревче
- путер
- 1 лимон
- сол
Постапка:
- Во тавче со загреано масло или путер, ставете го претходно исечканиот кромид. Додадете цимет, каранфилче и морско оревче. Овие зачини ќе дадат посебен вкус на месото.
- Откако кромидот ќе добие златна боја, додате ги морковот и доматното пире.
- По 5 минути пржење, додадете ги оризот, меленото месо и солта динстајте околу 5 минути.
- Тргнете ја подготвената смеса на страна малку да се излади.
- Една лажичка од смесата се става на крајот од секое ливче си витка во форма на ролничка.
- Повторете ја истата постапка со сите останати ливчиња и наредете ги во земјено тавче или грне.
- Откако ќе завршите, покријте ги сармичките со три или четири ливчиња.
- На крај, ставете неколку парчиња лимон и прелијте вода во која претходно имате додадено: сол, црвен пипер, оригано и босилок. Наместо ова, можете да ги прелиете сармичките и со подготвена коцка за супа.
- Сармичките покријте ги со керамична чинија и печете ги околу 1 час на температура од 180 степени.
- Сармичките обавезно послужете ги со Јока кисело млеко.
Рецептот го подготви Викторија Крстевска (Victoria's Food Atelier)
